Bu gün Qazax rayonunda dəhşətli qətl törədilib.

Ans press-in məlumatına görə, hüquq-mühafizə orqanları tərəfindən verilən məlumatda Qazax şəhərinin mərkəzində, Əliağa Şıxlinski küçəsində 1986-cı il təvəllüdlü Abdulova Aytən Xanəli qızının (ad və soyad şərtidir-red.) güllələnərək qətlə yetirildiyi bildirilib.

29 yaşlı A.Abdulovanın qeyri-rəsmi nikah münasibətində yaşadığı Məcid Veyisov tərəfindən güllələndiyi müəyyən edilib. Təxirəsalınmaz tədbirlər nəticəsində həmin şəxs saxlanılaraq istintaqa təhvil verilib.

Faktla bağlı cinayət işi açılıb, qətlin səbəbi araşdırılır. Qeyd edək ki, M.Veyisov rayonun Daşsalahlı kəndinin sakinidir.