DİN-in əməkdaşları oğrulara qarşı əməliyyat keçirib.

Axar.az Daxili İşlər Nazirliyinin rəsmi saytına istinadən xəbər verir ki, Qaradağ RPİ 11-ci PB əməkdaşlarının həyata keçirdikləri əməliyyat-axtarış tədbirləri nəticəsində martın 4-də "Great Vall" şirkətinə məxsus konteynerdən 230 metr elektrik kabeli və 2 ədəd akkumulyator oğurlayan Salyan rayon sakinləri Zaur Rzayev, Adıgözəl Quliyev və Nurlan Əliqi tutulub.

***

Digər bir oğurluq hadisəsi isə Neftçalada baş verib. Neftçala RPŞ əməkdaşlarının həyata keçirdikləri əməliyyat-axtarış tədbirləri nəticəsində martın 3-də Mehman İsayevə məxsus avtomobildən 25 kiloqram kartof, fevralın 27-də Könül Cəfərliyə məxsus mağazadan isə 10 manat və ərzaq məhsulları oğurlayan şəhər sakinləri Nəbi Hacıyev və Vüsal Fərziyev tutulub.

***

Şəki polisi oğurluq edən şəxsləri yaxalayıb. Rayon polisinin həyata keçirdikləri əməliyyat-axtarış tədbirləri nəticəsində yanvarın 16-da Vüqar Məmmədova məxsus 7 baş qoyunu oğurlayan rayon sakinləri Şamil Mabudov və əvvəllər məhkum olunan Nəzir Məmmədov tutulub.

N.Məmmədovun yaşadığı evə baxış zamanı 16 ədəd avtomat patronu aşkar edilərək götürülüb. Ş.Mabudovun və N.Məmmədovun ətrafında aparılan əməliyyat tədbirləri ilə onların martın 3-də Kiş kənd sakini Bəhruz Allahyarzadəyə məxsus yardımçı təsərrüfatdan 17 baş qoyun oğurlamaları da müəyyən edilib.

Polis faktla bağlı araşdırmalara başlayıb.