Paytaxt polisi avtomobil oğrularına qarşı əməliyyat keçirib.

Axar.az Daxili İşlər Nazirliyinin rəsmi saytına istinadən xəbər verir ki, martın 6-da Bəhrəm Dadaşova məxsus qaçırılan VAZ-2106 markalı avtomobil həmin gün Maştağa qəsəbəsində dövlət qeydiyyat nişanları oğurlanmış vəziyyətdə tapılıb.

Sabunçu RPİ 14-cü PB əməkdaşlarının həyata keçirdikləri əməliyyat-axtarış tədbirləri nəticəsində avtomobili qaçıran Bakı sakinləri Salman Məhərrəmov və Vüsal Nağıyev tutulub. Onlardan avtomobilin oğurlanmış dövlət qeydiyyat nişanları götürülüb.

Maşın oğrularının eyni zamanda martın 5-də Sevda Kazımovaya məxsus VAZ-2104 markalı avtomobili qaçırdıqları da məlum olub.

***

Digər bir avtomobil oğurluğu Xəzər rayonu ərazisində baş verib. Fevralın 4-də avtomobil qaçırdığına görə tutulan Hüseyn Cəfərlinin eyni zamanda Namiq Hümbətova məxsus VAZ-2106 markalı avtomobili qaçırdığı da məlum olub.