Polis 14 kq qoz ləpəsi oğurlayan şəxsi saxlayıb.

Axar.az Daxili İşlər Nazirliyinin rəsmi saytına istinadən xəbər verir ki, martın 11-də paytaxtın Nizami rayonu ərazisindəki bazarda Şəki sakini İlknur Sədirova məxsus 14 kiloqram qoz ləpəsi oğurlanıb.

Nizami RPİ 24-cü PB əməkdaşlarının həyata keçirdikləri əməliyyat-axtarış tədbirləri nəticəsində hadisəni törədən Masallı sakini, əvvəllər məhkum olmuş Raci Ağayev tutulub. Ondan 1,962 qram tiryək götürülüb.

***

Nizami polisi daha bir əməliyyat keçirib. Nizami RPİ 24-cü PB əməkdaşlarının həyata keçirdikləri əməliyyat-axtarış tədbirləri nəticəsində martın 9-da Fidan İmaməliyevaya məxsus içərisində 2200 manatı və bankomat kartları olan çantanı oğurlayan Bakı sakini Bənövşə Orucova tutulub.

***

Neftçalada isə qızıl oğurlayan şəxs həbs edilib. Neftçala RPŞ əməkdaşlarının həyata keçirdikləri əməliyyat-axtarış tədbirləri nəticəsində martın 10-da Mais Ağalarovun evindən qızıl əşyalar oğurlayan həmyerlisi Möhsüm Əliyev tutulub.