Zaqatalada mağazadan soyğunçuluq edən şəxslər saxlanılıb.

Axar.az Daxili İşlər Nazirliyinin rəsmi saytına istinadən xəbər verir ki, martın 12-nə keçən gecə Zaqatala şəhərində Muxax kənd sakini Mahir Bubuşova məxsus mağazanın qapısı sındırılaraq 70 manat və danışıq kartları oğurlanıb.

Zaqatala RPŞ əməkdaşlarının həyata keçirdikləri əməliyyat-axtarış tədbirləri nəticəsində oğurluğu törədən şəhər sakini Tural Abdurəhmanov və Sərxan Davudov tutulub.

Polis faktla bağlı araşdırmalara başlayıb.

***

Daha bir soyğunçuluq faktı Bakıda qeydə alınıb. Yasamal RPİ 29-cu PB əməkdaşlarının həyata keçirdikləri əməliyyat-axtarış tədbirləri nəticəsində martın 11-də İlkin Babayevin 40 manatını, mobil telefonunu və şəxsiyyət vəsiqəsini soyğunçuluq yolu ilə alan Bakı sakini Daşqın Gəncəliyev tutulub.