Aktyor-rejissor Ərtoğrul Kamalov Prezidentin köməkçiləri Hikmət Hacıyev və Şahmar Mövsümovla görüşüb.

Axar.az xəbər verir ki, bu barədə Ə.Kamalov İnstaqram səhifəsində paylaşım edib.

Rejissor Şahmar Mövsümovun və Hikmət Hacıyevin ona videolarını çox bəyəndiklərini və davam etməyi söylədiklərini bildirib:

"Çox dəyərli Şahmar müəllim və Hikmət müəllimlə görüşümüz baş tutdu. Mənim üçün qürurverici anlar idi. Səmimiyyətləri isə tamam başqa idi. Var olun, ölkəmizin dəyərli oğulları! Allah sizi qorusun! Nə yaxşı ki, sizi şəxsən tanıdım, nə yaxşı ki, varsınız!"

Qeyd edək ki, H.Hacıyev Nazirlər Kabineti yanında Operativ Qərargahın bir neçə gün öncə keçirilən brifinqində çıxışı zamanı Ə.Kamalovun Operqərargahla bağlı hazırladığı satirik videomaterialları izlədiklərini, bunun insanlara pozitiv ruh verdiyini bildirərək, onu şəxsi tanışlıq üçün Prezident Administrasiyasına dəvət etmişdi.