Ana səhifə Toplum |
“AstraZeneka” əsas peyvənd istehsalçısı olacaq.
Axar.az xəbər verir ki, bu məlumat ABŞ-ın Dyuk Universitetinin apardığı araşdırmadan sonra ortaya çıxıb. Məlumata görə, “AstraZeneka”nın əsas alıcılarının Avropa Birliyi və ABŞ olacağı gözlənilir.
Ümumilikdə dünya ölkələrinin 8,6 milyard doza peyvənd sifariş etdiyi vurğulanıb. Dünya üzrə ümumi sifarişin 2,4 milyard dozası “AstraZeneka”yadır. Ondan sonrakı yerdə “Pfayzer” qərarlaşıb. “Sinovak”ın payına 480 milyon doza, “Sputnik V”-nin isə 303 milyon doza düşüb.
Zəngin ölkələr 4,6 milyard və ya bütün dozaların 53%-ni sifariş ediblər. Gəlirləri orta göstəricidən yuxarı olan ölkələr sifarişlərin 17%-ni, orta göstəricidən aşağı olanlar 16%-ni edib.
İndiyə qədər ən çox peyvənd sifarişini 1,8 milyard doza ilə Avropa Komissiyası verib. Ondan sonrakı yerdə 1,2 milyard doza ilə ABŞ, 680 milyon doza ilə Afrika İttifaqı, 457 milyon doza ilə Britaniya, 370 milyon doza ilə Braziliya qərarlaşıb.
Universitet 2021-ci ildə peyvənd istehsalçılarının 12 milyard doza vaksin istehsal edə biləcəyini vurğulayıb.
Tarix
2021.04.07 / 16:58
|
Müəllif
İlkin Həsənov
|