Axar.az
Yuxarı

İH başçısı rayondakı vəziyyətdən danışdı – Foto

Ana səhifə Toplum
12 Punto 14 Punto 16 Punto 18 Punto

Son illər Masallı rayon İcra Hakimiyyəti ölkənin, eləcə də regionun aparıcı jurnalistləri ilə ardıcıl görüşlər keçirir. Bu görüşlərdən biri iyunun 13-14-də Masallı rayon İcra Hakimiyyətində təşkil olunub.

Axar.az xəbər verir ki, ölkənin 15 qəzet və sayt redaktorlarının iştirak etdiyi görüşdə Masallıda icra olunan yeni infrastruktur layihələrindən söz açılıb.

İcra başçısı Rafil Hüseynov əvvəlcə Yaponiya hökumətinin maliyyə dəstəyi ilə Seybətindəki 4 hektarlıq zibilliyin ləğv olunaraq yerində bərk tullantılar üçün sex tikildiyini qeyd edib.

İnşası davam etdirilən Masallı park-bulvarından danışan icra başçısı bildirib ki, hazırda layihə üzrə sahilbərkitmə işləri aparılır: "Burada işi elə qurmağa çalışırıq ki, həmin ərazi təkcə istirahət yeri yox, həm də daşqın zamanı rayonun təhlükəsizliyinə xidmət etmiş olsun".

İcra başçısı Masallıda həyata keçirilən yeni layihələr sırasında "ASAN XİDMƏT" Mərkəzini xüsusi vurğulayıb. Görüşdə "Azərsun Holdinq"in Masallıda icarəyə götürdüyü ərazilərdə (Qızılağacdakı tərəvəz - 100 ha, Kolatanda çay plantasiyası - 100 ha) görülmüş işlərdən bəhs olunub.

İcra başçısı qeyd edib ki, 1-2 ucqar kənd istisna olmaqla rayonun bütün kəndlərinin qazlaşması ilin sonuna kimi başa çatdırılacaq. Bundan başqa, içməli su problemi də tamamilə aradan qaldırılacaq.

"Biz turizmdən daha böyük fayda əldə etməyi hədəfləyirik" - deyən R.Hüseynov gələcəkdə Qodman və Qəriblər kəndlərinin arasında turizm kəndinin salınmasının da planlara daxil olduğunu bildirib.

Daha sonra jurnalistlər Qızılağac kəndindəki 100 hektarlıq tərəvəz sahəsi ilə tanış olublar. "Azərsun Holdinq"in Türkiyədən gəlmiş aqronomu Tofik Salih qonaqlara məlumat verib ki, istifadəsiz qalmış bu ərazini qısa müddətdə canlandırıblar. Burada pomidor, xiyar, badımcan, kartof və sair tərəvəz məhsulları əkilib.

Jurnalistlər Kolatan kəndinin mərkəzindən 6 kilometr aralıda - dağlar qoynunda salınmış çay plantasiyalarına da baş çəkiblər. İcra başçısının müavini Nəsir Muxtarlı bildirib ki, çox çətin ərazidə yerləşən bu sahəyə daxili imkanlar hesabına yol çəkilib:

"Tam istifadəsiz sahədə "Azərsun Holdinq" 100 hektarlıq çay plantasiyası salıb. Bu sahədə yaxın vaxtlarda 500 nəfərin işləyəcəyi gözlənilir. Burada yetişdirilən çay mütəxəssislərin fikrincə, dünyanın ən keyfiyyətli çaylarından olacaq. Bu əraziyə görə də "Azərsun Holdinq" kənd bələdiyyəsinə icarə haqqı ödəyir".

Tarix
2015.06.17 / 17:29
Müəllif
Emin Aslanlı
Şərhlər
Digər xəbərlər

Azərbaycanlılar İrəvanda: Erməni rədd olub keçir, biz isə... - Video

Azərbaycanın Türkiyəyə ixracı azaldı

Dövlət Komitəsinin əməkdaşları Dağıstana səfər etdilər

Azərbaycan “Teknofest”də 11 startapla təmsil olunur

Fərid Qayıbov Nəriman Abbasovla görüşdü - Foto

Qazaxıstan Azərbaycanla aviareysləri bərpa edir

Vüqar Səfərli: Həmin vəsaiti devalvasiya vaxtı əldə etdim

Suqovuşanda erməni hərbçisinin meyiti tapıldı

Qırıcılarımız "Texnofest-2021"də ilk uçuşlar icra etdi - Foto

Xaçmazda ov edən şəxslər saxlanıldı

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla