17:36

Kür çayının Şəmkir rayonunun Kür qəsəbəsindən keçən hissəsində 2 nəfər batıb.

Bu barədə Axar.az Fövqəladə Hallar Nazirliyinə (FHN) istinadən xəbər verir.

Nazirliyin "112" qaynar telefon xəttinə Kür çayında 2 nəfərin batması barədə məlumat daxil olub. FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.

***

Kür çayının Şəmkir rayon Kür qəsəbəsindən keçən hissəsində batan yeniyetmələrin adları məlum olub.

Məlumata görə, 2006-cı il təvəllüdlü Fərid Ayaz oğlu Məmmədov və 2005-ci il təvəllüdlü Yusif Araz oğlu Məmmədov çayda çimərkən batıb.

Hazırda onların axtarışları davam etdirilir. Faktla bağlı araşdırma aparılır.