Milli Məclisinin Beynəlxalq münasibətlər və parlamentlərarası əlaqələr komitəsinin sədri, Avropa Şurası Parlament Assambleyasındakı nümayəndə heyətinin rəhbəri Səməd Seyidovun rəhbəri olduğu Siyasi Psixologiya Mərkəzi (SPM) fəaliyyətini dayandırıb.

Axar.az Qaynarinfo.az-a istinadən xəbər verir ki, mərkəzin fəaliyyətini dayandırmasına səbəb maliyyə probleminin yaranması olub. Mərkəz insan psixikası, davranış, psixodiaqnostika, təlim və müalicə sahəsində ödənişli əsaslarla fəaliyət göstərib.

Pandemiya dövründə ölkədə qapanmaların olması səbəbindən qurumda ciddi maliyyə problemləri yaranıb. Nəticədə əksər əməkdaşlar, psixoloqlar bu təşkilatla yollarını ayırıb.

Məsələ ilə bağlı açıqlama verən Səməd Seyidov Siyasi Psixologiya Mərkəzinin bağlandığını dolayısı ilə təsdiq edib:

"Vallah pandemiya dövründə ölkədə heç bir mərkəz normal işləyə bilməzdi”.

Qeyd edək ki, Səməd Seyidov 2016-cı ildə Siyasi Psixologiya Mərkəzini təsis edib.