Bərdədə 15 yaşlı qızın intihar səbəbi açıqlanıb.

Axar.az xəbər verir ki, rayonun Elçin Əsədov küçəsində yaşayan Gülçin Əlizadənin ailəli olduğu və özünü asması haqda iddialar yanlışdır.

ANS-in əldə etdiyi məlumata görə, Gülçin ailəli olmayıb və bədbəxt hadisə nəticəsində dünyasını dəyişib. Ailəsi yeniyetmə qızın ipdən düzəldilmiş yelləncəkdə yellənərkən kəndirin onun boğazına dolandığını və Gülçinin boğulduğunu deyib. Həmin vaxt mərhumun ailə üzvləri evdə olsalar da, heç bir səs eşitməyiblər.

Meyit müayinədən keçirilib və üzərində heç bir zorakılıq əlaməti aşkarlanmayıb.

Hazırda faktla bağlı Bərdə Rayon Prokurorluğunda araşdırma aparılır.