Paytaxt polisi qanunsuz silah-sursat alveri ilə məşğul olan şəxslərə qarşı əməliyyat keçirib.

Axar.az Daxili İşlər Nazirliyinin rəsmi saytına istinadən xəbər verir ki, Mütəşəkkil Cinayətkarlıqla Mübarizə Baş İdarəsi əməkdaşlarının həyata keçirdikləri əməliyyat-axtarış tədbirləri nəticəsində paytaxtın Keşlə qəsəbəsində Zaqatala sakini Kamran Məmmədovdan lüləsi və qundağı kəsilmiş "TOZ-B" markalı tüfəng və 40 ədəd patron götürülüb.

Araşdırmalar zamanı K.Məmmədovun tüfəngi satmaq məqsədi ilə Neftçala sakini Amil Heybətovdan alması müəyyən edilib.

Həyata keçirilən əməliyyat tədbirləri ilə A.Heybətov da tutulub.