11:27

Lerikin Pirzəküçə kəndində 22 yaşlı Azər Nuriyevin sevdiyi qıza görə intihar etməsi ehtimalı hələ dəqiqləşməyib.

Bu barədə Axar.az-a Lerik rayon Prokurorluğundan bildirilib.

Prokurorluqdan verilən məlumata görə, hazırda səhər saatlarında baş verən bu intihar faktı ilə bağlı araşdırma aparılır:

"Hadisə yerinə müstəntiqlər və prokurorlar gedib. Gəncin sevdiyi qızı başqasına nişanlamalarına görə intihar etməsi ilə bağlı deyilənlər hələlik dəqiqləşməyib. Gün ərzində intiharın detalları məlum olacaq".

Xatırladaq ki, "Report" rayonun Pirzəküçə kənd sakini, 1993-cü il təvəllüdlü Azər Babulla oğlu Nuriyevin yaşadığı evin həyətindəki alma ağacından özünü asmaqla intiharının ilkin səbəbi kimi sevdiyi qızın başqası ilə nişanlanmasının göstərildiyi barədə xəbər yayıb.