Azyaşlıları istismar məqsədi ilə Azərbaycandan Türkiyəyə aparmaq istəyən Zahid Hacıyev saxlanılıb.

Axar.az Sia.az-a istinadən xəbər verir ki, bunu Dövlət Sərhəd Xidməti İstintaq və Təhqiqat İdarəsinin rəisi, general-polkovnik Azər İbrahimov mətbuat konfransında bildirib.

Z.Hacıyev azyaşlıların gələcəkdə istismar məqsədilə, aldatma yolu ilə Türkiyəyə aparıb insan alverinə cəlb etməyi planlaşdırıb. Onlara mobil nömrəsini verərək, qanunsuz yolla keçdikdən sonra Gürcüstanda təyin edilmiş yerdə görüşmək barədə uşaqlarla razılaşıb.

DSX əməkdaşlarının sayıqlığı nəticəsində uşaq alverçisi saxlanılıb. Faktla bağlı zəruri əməliyyat-istintaq tədbirləri aparılır.