Salyanda qaz partlayışı nəticəsində bir ailənin 3 üzvü yanıq xəsarətləri alıb.

Axar.az Report-a istinadən xəbər verir ki, hadisə Qarabağlı kəndində qeydə alınıb. İlkin məlumata görə, kənddə Qurbanovlar ailəsinə məxsus fərdi yaşayış evində qaz sızması nəticəsində partlayış olub. Nəticədə bir ailənin üç üzvü - 1980-ci il təvəllüdlü Zaur Mikayıl oğlu Qurbanov, onun həyat yoldaşı, 1981-ci il təvəllüdlü Şəfəq Əli qızı Qurbanova və ailənin övladı, 2001-ci il təvəllüdlü Mikayılov Zaur oğlu Qurbanov müxtəlif dərəcəli xəsarətlər alıb.

Zərərçəkənlər Salyan Mərkəzi Rayon Xəstəxanasına yerləşdirilib.

Faktla bağlı araşdırma aparılır.