Yuxarı

25 yaşlı oğlanı ölümcül döyüb, qulağını kəsdilər - Səbəb

Ana səhifə Toplum
12 Punto 14 Punto 16 Punto 18 Punto

10:08

Samux rayonunun Füzuli kəndində 25 yaşlı gəncə bir neçə nəfər ağır xəsarətlər yetirib.

Axar.az Report-a istinadən xəbər verir ki, Samux rayon Kolayır kənd sakini, 25 yaşlı M.Əliyev bir neçə nəfər tərəfindən yaşadığı kənddən Füzuli kəndinin ərazisinə aparılıb. Orada gənci döyən şəxslər onun qulağının birinin yarıdan çox hissəsini kəsiblər.

Baş və üz nahiyəsindən ağır zərbələr alan gənc tanınmaz hala düşüb. O, daha sonra hadisə olan yerdən sürünə-sürünə kənd sakinlərindən birinin evinin qarşısına gəlib və kömək istəyib.

Məsələ ilə bağlı dərhal polisə və təcili tibbi yardıma məlumat verilib, ağır xəsarətlər alan gənc Gəncə şəhər Təxirəsalınmaz Təcili Tibbi Yardım Xəstəxanasına çatdırılıb. Onun qulağı tikilib, digər tibbi yardımlar göstərilib. Hazırda xəstəxanada müalicəsi davam etdirilir.

Hadisənin baş vermə səbəbləri hələ ki məlum olmasa da, özünün dediyinə görə 6 nəfər tərəfindən döyülüb.

Faktla bağlı Samux rayon Polis Şöbəsində araşdırmalara başlanılıb.

***

Daxili İşlər Nazirliyi (DİN) Samuxda 25 yaşlı oğlanın ölümcül döyülməsi ilə bağlı məlumat yayıb.

Nazirliyin Mətbuat Xidmətinin Gəncə regional qrupundan verilən məlumata görə, Samux Rayon Polis Şöbəsinə (RPŞ) rayonun Kolayır kənd sakini Mirzaman Əliyevin naməlum şəxslər tərəfindən döyülərək müxtəlif bədən xəsarətləri alması barədə məlumat daxil olub.

Dərhal Samux RPŞ-nin əməkdaşları təxrəsalınmaz əməliyyat-axtarış tədbirləri həyata keçirərək vətəndaşa xəsarət yetirən şəxslərin kimliyini müəyyən edib. Araşdırmalar zamanı məlum olub ki,rayonun Füzuli kəndində yerləşən “Şəhidlər bulağı”nın su krantını qırdığına görə M. Əliyevi həmin kəndin sakinləri Rahib Bayramlı, Nərman Qələndərli, Həsrət Qəmbərli və Rüfət Əliyev döyərək müxtəlif bədən xəsarətləri yetiriblər.

Şübhəli şəxslər saxlanılaraq istintaqa təhvil verilib, hazırda Samux Rayon Polis Şöbəsində araşdırmalar davam etdirilir.

Tarix
2022.02.19 / 13:05
Müəllif
Axar.az
Şərhlər
Digər xəbərlər

ABŞ-dakı azərbaycanlıların diqqətinə: səyyar xidmət...

Cavanşir Feyziyevə məxsus 22 mülkə həbs qoyuldu

İlham Əliyevə güvənirmi? – Paşinyanın cavabı

Bu, İrəvanın iradəsindən asılıdır - Əmirbəyov

Paşinyan dayanmır: Rusiyaya qarşı daha bir bəyanat

İran Zəngəzura ordu göndərməyə hazırdır - Bəyan etdi

Papikyan İranın riyakar simasını ifşa etdi

Makron ssenarisi: Bakının cavabı Ermənistanı parçalayacaq!

Kremlin təcili tələbi: Nikolun 2 yolu var – Yeni dövr başladı

Rusiya XİN də Ermənistandan izahat tələb etdi

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla