Bu gün Rusiya Federasiyasının Həştərxan şəhərində Birinci Xəzər Media forumu başlayıb.

Axar.az xəbər verir ki, media forumda Xəzəryanı ölkələrin müvafiq nazirliklərinin nümayəndələri, jurnalistlər, redaktorlar iştirak edirlər. Tədbirdə Azərbaycan Mədəniyyət və Turizm, Təhsil, Ekologiya və Təbii Sərvətlər, Rabitə və Yüksək Texnologiyalar və digər nazirliklərin rəsmiləri, həmçinin müxtəlif redaksiyaların nümayəndələri ilə təmsil olunur.

Forum Rusiya, Azərbaycan, İran, Qazaxıstan və Türkmənistanın media nümayəndələrini ilk dəfə bir araya gətirib.

Bu nüfuzlu beynəlxalq tədbir Xəzəryanı ölkələrin mehriban qonşuluq münasibətlərini möhkəmləndirmək və KİV sahəsində, xüsusilə də yeni əməkdaşlıq istiqamətini müəyyən etmək üçün nəzərdə tutulub.