Axar.az
Yuxarı

Axar.Az Logo

Ombudsmandan Xocavənddəki məzarlıqla bağlı çağırış

Ana səhifə Toplum
12 Punto 14 Punto 16 Punto 18 Punto

Ombudsman Xocavənddə aşkarlanan növbəti kütləvi məzarlıqla bağlı beynəlxalq ictimaiyyətə çağırış edib.

Axar.az Ombudsman Aparatına istinadən xəbər verir ki, Azərbaycanın işğaldan azad edilmiş Xocavənd rayonunun Edilli kəndində növbəti dəfə kütləvi məzarlıq aşkar olunub. Həmin məzarlıqda məftil və kəndirlərdən istifadə edilməklə əl-ayağı bağlanaraq kütləvi şəkildə dəfn edilmiş 12 insan qalığı tapılıb. Geyim və əşyalarına əsasən həmin şəxslərin hərbçi olduqları məlum olub. Bu isə azərbaycanlı hərbi əsirlərin işgəncə verilərək qətlə yetirilməsi ilə bağlı bir çox ifadələri sübut edir.

Aşkar edilmiş qalıqların Birinci Qarabağ müharibəsi dövründə itkin düşmüş, bugünədək taleyi naməlum olan soydaşlarımıza məxsus olma ehtimalı vardır. Halbuki Ermənistan tərəfi dəfələrlə edilən çağırışlara baxmayaraq, törətdiyi müharibə cinayətlərini dünya ictimaiyyətindən gizlətmək məqsədilə həmin şəxslərin taleyi, eləcə də azərbaycanlıların kütləvi dəfn yerləri barədə məlumatları təqdim etməkdən boyun qaçırmışdır.

Ermənistanın 1949-cu il Cenevrə Konvensiyalarının tələblərini kobudcasına pozması və azərbaycanlılara qarşı etnik nifrət siyasəti yürütməsi bu faktın üzə çıxması ilə bir daha təsdiqlənmiş oldu.

Xatırladaq ki, həmin kənddə bu ilin fevral ayında da azərbaycanlıların kütləvi dəfn edildiyi məzarlıq tapılmışdı.

Ermənistanın növbəti belə cinayət əməlləri törətməsinin qarşısını almaq üçün beynəlxalq ictimaiyyət bu müharibə cinayətlərinə adekvat reaksiya verməli, həmin cinayətləri törədənlər məsuliyyətə cəlb edilməlidir.

Tarix
2022.10.04 / 19:18
Müəllif
Axar.az
Şərhlər
Digər xəbərlər

Azərbaycanda bu yataq hərraca çıxarılır

Həştərxanda Maqomayevin büstü açıldı - Foto

İmişlidə məktəb binasındakı yanğın söndürüldü

24 ticarət müəssisəsində nöqsanlar aşkarlandı - Siyahı

Azərbaycanda toyuq əti ucuzlaşdı

FHN-dən qeyri-sabit hava ilə bağlı əhaliyə müraciət

Əli Əsədov Putinin köməkçisi ilə görüşdü

Koronaya yoluxanların sayı kəskin azaldı

Eşitmə məhdudiyyətli uşaqlar üçün xüsusi tədbir keçirildi

Mikroavtobus ağaca çırpıldı: 7 sərnişin xəsarət aldı

KULT
<>
Xəbər xətti
Axar.az'da reklam Bağla
Reklam
Bize yazin Bağla