Axar.az
Yuxarı

Aynur Camalqızı: “Biz gücümüzü toplasaq…”

Ana səhifə Toplum
12 Punto 14 Punto 16 Punto 18 Punto

"ASAN Könüllüləri" Təşkilatı "ASAN Məktub" adlı yeni layihəyə başlayıb.

Axar.az xəbər verir ki, layihənin keçirilməsində məqsəd həssas qruplara aid uşaqlara sevinc bəxş etmək və ümumilikdə sosial məsuliyyət, eləcə də, cəmiyyətə qayğı hissini daha da artırmaqdır.

"Uşaqlara ASAN sevgi" şüarı ilə sosial məsuliyyət hisslərini aşılayan bu layihə www.asanmektub.az internet səhifəsi vasitəsi ilə əhalinin sosial cəhətdən həssas qruplarına aid uşaqların arzu və xəyallarını gerçəkləşdirəcək.

Layihə çərçivəsində 14 yaşadək sosial qayğıya ehtiyacı olan hər bir uşaq məktub yazacaq və yazdıqları məktublara xeyirxah insanlar tərəfindən cavab tapmış olacaqlar. Ölkənin böyük media quruluşlarından olan Teleqraf Media Qrupu bu kampaniyaya bütün kollektivlə qoşulub.

Qurumun rəhbəri Aynur Camalqızı deyib ki, bu işi kütləviləşdirmək, daha çox insanın diqqətini uşaqların qayğılarına yönəltmək istəyirlər:

"Uşaqların məktublarının hər biri bədii əsər qədər təsirlidir. Onların dünyalarını rəngləndirmək, istək və arzularını yerinə yetirmək biz böyüklərin borcudur. Çünki qayğı əhatəsində böyüyən hər bir uşaqda özünə inam, güvən olur. Özünə güvənən insanlar isə ölkəsi üçün, dövləti üçün daha çox faydalı işlər görə bilərlər".

Aynur Camalqızı bu qərara kollektivin əməkdaşları ilə birlikdə gəldiklərini qeyd edib:

"ASAN könüllüləri"nin başladığı kampaniya ilə tanış olandan sonra əməkdaşlarla məsləhətləşdik və belə qərara gəldik ki, bütün kollektivlə birlikdə bu xeyirli işə biz də qoşulaq. Əməkdaşlarımız hər ayın sonunda maaşlarından gücləri çatan məbləğdə pul ayıracaq və biz yığılan pulla ehtiyacı olan uşaqların arzusunu yerinə yetircəyik. Heç kim deməsin ki, "mən verdiyim 5 manatla problem həll etmək olmaz". Unutmayaq ki, dama-dama göl olar. Biz gücümüzü toplasaq, bu ölkənin sabahı olan balaların gələcək xoşbəxt həyatının təməlini indidən ata bilərik".

Tarix
2015.11.13 / 17:57
Müəllif
Axar.az
Şərhlər
Digər xəbərlər

Kürdə meyiti tapılan şəxslə bağlı DİN-dən açıqlama

Füzulidə ölüm təhlükəsi olan kütləvi məzarlıq - Foto

Sülhməramlıların 30 maşını aksiya ərazisindən keçdi

Bakıda ağır qəza: polis xəsarət aldı

Polis Bakıda əməliyyat keçirdi: 49 nəfər saxlanıldı - Video

Son sutkada neçə nəfər koronaya yoluxub?

Sərxoş halda maşın sürən şəxs həbs edildi

Dəhşətli qəza: yük maşınları toqquşdu - Video

Səyahətçilər Şuşada uşaqlara hədiyyələr verdi - Foto

Abşeron polisindən əməliyyat: saxlanılanlar var

KULT
<>
Xəbər xətti
Axar.az'da reklam Bağla
Reklam
Bize yazin Bağla