Belə bir hadisə olmayıb, yanlış məlumat yayırlar.

Bu sözləri aktyor Əjdər Həmidov mağazasına basqın edilməsi ilə bağlı yayılan xəbərlər haqda Axar.az-a danışarkən deyib. O, heç bir oğurluq hadisəsinin baş vermədiyini bildirib:

"Belə bir hadisə qətiyyən olmayıb. Əgər belə bir hadisə olsaydı, etiraf edərdim. Nə var axı burada? Yazıblar ki, guya kassadan pul oğurlanıb. Əgər kassadan pul oğurlansaydı, polisə, sonra mediaya müraciət edərdim ki, tapılsın. Amma mənim mağazamda heç kiçik bir oğurluq belə olmayıb, o ki qaldı basqın olsun".

Qeyd edək ki, criminal.az saytının məlumatına görə, tanınmış aktyor Əjdər Həmidovun mağazasına basqın olub və soyğunçular kassadan 7 manat pul aparıblar.