"Sevincli Ümidlər" Gənclərin inkisafına dəstək ictimai birliyinin təşkilatçılığı ilə Umid.az forumunun əməkdaşları Füzuli rayonunda məktəblilər arasında şəhidlərin xatirəsinə həsr olunan "Bilik yarışı" layihəsini həyata keçiriblər.

Axar.az xəbər verir ki, layihənin məqsədi sərhəd zonasında olan gənclərə dəstəkdir.

Yarış 3 mərhələdən ibarət olub. Layihədə yer tutan məkətəblilərə planşet, telefon, fotoaparat və "Azərsun" şirkətinin hədiyyələri təqdim edilib.

Xatırladaq ki, layihədəki sualları AMEA-nın elmi işçisi Lalə Əliyeva tərtib edib.

Gənclər təşkilatının sədri Sevinc Əliyava tədbirin keçirilməsində onlara dəstək olan hər kəsə, o cümlədən Füzuli rayon İcra Hakimiyyətinə təşəkkürünü bildirib.

Tədbir iştirakçıları, təşkilat və forumun kollektivi Horadizdə yerləşən N saylı hərbi hissədə əsgərlərlə də görüşüblər, daha sonra isə şəhid Elnur Əliyevin ailəsini ziyarət ediblər.