13:15

Düzdür, mən həvəskar bayker olsam da, heç vaxt mülkiyyətimdə olan motoskileti yüksək sürətlə idarə etmirəm.

Bu sözləri Axar.az-a açıqlamasında jurnalist Rəşad Rəşidov sosial şəbəkələrdə haqqında yayılan videonu şərh edərkən deyib.

Jurnalist bildirib ki, qanunlara hörmət edir, özünə və digər hərəkət iştirakçılarına təhlükə yaratmır:

“Təcrübəli motoskiletçi kimi yeni başlayan motoskiletçilərə örnək olmağa çalışıram. Öncə bildirim ki, video ölkəmizin ərazisində çəkilməyib və idarə edən də xarici vətəndaşdır. Bunun mənimlə heç bir əlaqəsi yoxdur.

Təəssüf edirəm ki, görüntü mənim adımla tirajlanıb”.

Qeyd edək ki, jurnalist Rəşad Rəşidovun 344 km/saat sürətlə hərəkət edən motosiklet videosunu paylaşması yanlış anlaşılmaya səbəb olub.