Tarixçi-alim Zaur Əliyev dünyanın ən nüfuzlu türkoloqlarından biri, alman alimi Herhard Dörferin 1976-cı ildə “Archeologische Mitteilungen aus İran” jurnalının 143-251-ci səhifələrində dərc edilən “Woher stammte İbn Muhanna” (İbn Muhanna hardan gəlib) adlı məqaləsindən bir parça təqdim edib.

Kult.az xəbər verir ki, məqalədə Herhard Dörfer türkmənlərin əslində azərbaycanlılar olmasından bəhs edib.

“Bu günə kimi biz bilirik ki, “türkmənlər” ifadəsi XIII-XIV əsr müəllifləri tərəfindən istifadə olunub. Bu isə heç bir halda bugünkü dar mənaya malik deyildi. Bir sözlə, bu mənbələrdəki “türkmənlər” həm Anadolu türkləri, həm türkmənlər, həm də XVI-XVII əsrlərdə yaşamış “türkmən” Səfəvi (Qızılbaş) tayfalarıdır. Əslində isə onlar əsl köklü azərbaycanlılardır. Başqa sözlə desək, “türkmən” qədim dövrlərdə oğuz türkləri, xüsusən də onların islam dinini qəbul edənləri üçün ümumi ifadə idi”, - alim qeyd edib.