19:38

Abşeron dairəvi dəmir yolu üzrə hərəkət edən qatarda texniki nasazlıq səbəbindən Goradil stansiyasında dayandığı üçün sərnişin sürət qatarlarında gecikmələr baş verib.

Bu barədə Axar.az-a ADY-dən məlumat verilib.

Bildirilib ki, saat 18:00-19:00 radələrində Bakı-Xırdalan-Sumqayıt və Bakı-Pirşağı-Sumqayıt marşrutları üzrə hərəkət edən qatarlarda gecikmə müşahidə olunub:

"Bakı-Pirşağı-Sumqayıt istiqamətində hərəkət edən qatarların birində texniki nasazlıq yaranıb. Qatar Goradil sahəsində yarım saata qədər dayanıb. Bu, pik saatlar olduğu üçün Abşeron dairəvi marşrutu üzrə digər qatarların hərəkətinə də bir qədər təsir göstərib. Problemin aradan qaldırılması üçün müvafiq tədbirlər görülür".

***

Bakı-Xırdalan-Sumqayıt və Bakı-Pirşağı-Sumqayıt marşrutları üzrə hərəkət edən qatarların normal rejimdə fəaliyyəti artıq bərpa olunub.

Bu barədə "Azərbaycan Dəmir Yolları"ndan bildirilib.