Azərbaycanda elektronik avadanlıqların satışı ilə məşğul olan şirkətlərin külli miqdarda vergi borcu var.

Axar.az Qaynarinfo-ya istinadla xəbər verir ki, bu sırada ilk yerdə "Optimal Electronics" qərarlaşıb.

Qanuni təmsilçisi Əhəd Tofiq oğlu Əsgərov olan "Optimal Electronics"in Dövlət Vergilər Xidmətinin Lokal Gəlirlər Xidmətinə 321994.90 manat vergi borcu yaranıb.

Qanuni təmsilçisi Cəlil Əhmədov Mirqiyas oğlu olan "Protech Electronics" Məhdud Məsuliyyətli Cəmiyyətinin 272898.43 AZN vergi borcu var.

"Mi Telecom Corporation" Məhdud Məsuliyyətli Cəmiyyətinin 164179.20 manat vergi borcu var. Şirkətin qanuni təmsilçisi Fidan Natiq qızı İsmayılovadır.

Qanuni təmsilçisi Çingiz Hümmətov olan "KL Electronics" Məhdud Məsuliyyətli Cəmiyyətinin 76548.1 AZN vergi borcu yaranıb. Bu şirkət barəsində səyyar vergi yoxlaması üzrə məsuliyyətə cəlbetmə qərarının nəticəsində 813715.64 manat əlavə vergi, 615384.62 manat maliyyə sanksiyası hesablanıb.

Qanuni təmsilçisi Etibar Məmmədov olan "United Electronics" Məhdud Məsuliyyətli Cəmiyyətinin 41904.91 AZN, qanuni təmsilçisi Eldar Rüstəmov olan "Az Invest Telecom" Məhdud Məsuliyyətli Cəmiyyətinin isə 38408.85 manat vergi borcu var.