Dünən gecə azaraq Azərbaycan ərazisinə keçən və bu gün geri qaytarılan Karen Cangiryan və Andrey Qyaquntsın sağlamlıqları yerindədir.

Axar.az Musavat.com-a istinadən xəbər verir ki, məlumatı yeniyetmələrin mənsub olduğu Dığ icmasının rəhbərliyi Feysbukda yayıb.

İcma rəhbərliyi məlumata yeniyetmələrin fotosunu da əlavə edib.

Qeyd edək ki, bundan əvvəl Ermənistan Milli Təhlükəsizlik Xidməti Sünik rayonundan olan iki azyaşlının azaraq Azərbaycan ərazisinə keçdiyi barədə məlumat yaymışdı:

“Alınan məlumata görə, Ermənistanın Zəngəzur rayonunun Dığ icmasının sakinləri Karen Armenoviç Cangiryan (27 iyun 2007-ci il təvəllüdlü) və Andrey Armenoviç Qyaqunts (13 yanvar 2008-ci il təvəllüdlü) 2025-ci il iyunun 6-da saat 01:20 radələrində Zəngəzur rayonuna bitişik və Arayvu kəndi yaxınlığındakı ərazidə azaraq Azərbaycan ərazisinə keçiblər”.

Agentlik saat 22:00 radələrində itmiş yeniyetmələrin geri verildiyini və hazırda Ermənistanda olduqlarını bildirib.