Avtobuslar qış rejimində istifadəyə uyğun olan təkərlərdən istifadəyə başlamalıdır.

Bu sözləri Axar.az-a yol hərəkəti üzrə ekspert Ərşad Hüseynov deyib.

Onun sözlərinə görə, əksər təkərlər qarda-buzda sürüşməyə meyillidir:

"Təkərlərin müxtəlif variantları var. Məsələn, yalnız qışda və yaxud yayda istifadə ediləcək təkərlər mövcuddur. Bəziləri isə ilin bütün fəsillərində istifadə edilə bilir. Hətta qarda-buzda istifadə üçün nəzərdə tutulan təkərlər belə bu hava şəraitində sürüşməyə məruz qala bilər.

Bəzən hətta zəncirlənmiş təkərlər də sürüşə bilir. Ona görə də yaxşı olar ki, magistral əhəmiyyətli küçələr təmiz saxlanılsın".

Ekspert sürücülərə "təkər corabları"ndan istifadə etməyi tövsiyyə edib:

"Təkər corabları" deyilən bir ifadə var. Xüsusi olaraq təkərlərə keçirilir. O zaman təkərlər buzda daha yaxşı hərəkət edir və sürüşmə təhlükəsi aradan qalxır".

Qeyd edək ki, qarda şürüşməyən təkər ilk dəfə 1959-cu ildə amerikalı A.Sfredd tərəfindən icad edilib.