Feysbuk Danimarkanın Kopenhagen limanındakı "Kiçik dəniz qızı" heykəlini təhlükəli hesab edərək fotosunun yayımlanmasına icazə verməyib.

Axar.az xəbər verir ki, danimarkalı siyasətçi Mette Gjerskov Feysbuk səhifəsinə heykəlin şəkli olan link əlavə etmək istəyib. Lakin Feysbuk şəkilin "çox açıq-saçıq, yaxud gizli cinsi emosiyalar" ehtiva etməsi ilə bağlı mesaj göndərib.

Siyasətçi Mette Gjerskov Feysbukun Danimarkanın beynəlxalq simvolu hesab edilən heykəlin fotosunu yayımlamamasını çox gülünc hesab edib.

Qeyd edək ki, "Kiçik dəniz qızı" heykəli danimarkalı sənətçi Edvard Erikson tərəfindən yaradılıb və 1913-cü ildə Kopenhagen limanında bir daşın üzərinə qoyulub.