Daxili İşlər naziri Ramil Usubov Binəqədi rayonuna polis rəisi təyin edib.

Axar.az xəbər verir ki, Abşeron rayonunun polis rəisi Namiq İsmayılov Binəqədi rayonuna polis rəisi göndərilib.

Xatırladaq ki, general-polkovnik Ramil Usubov müvafiq əmri ilə Binəqədi Rayon Polis İdarəsinin rəisi, polis polkovniki Ağalar Məhərrəmov tutduğu vəzifədən azad edilərək, Bakı Şəhər Baş Polis İdarəsinin Qeydiyyat və Şəxsiyyət Vəsiqəsi Şöbəsinin rəisi vəzifəsinə təyinat almışdı.

Bakı Şəhər Baş Polis İdarəsinin Qeydiyyat və Şəxsiyyət Vəsiqəsi Şöbəsinin rəisi, polis polkovniki Famil Xanbabayev isə bir müddət əvvəl tutduğu vəzifədən azad edilərək Baş Mühafizə İdarəsinin Binəqədi Rayon Mühafizə İdarəsinə rəis təyin edilmişdi. Xaçmaz Rayon Polis Şöbəsinin rəisi Şəhriyar Şəmşirli də Binəqədi rayonuna polis rəisi gətirilmişdi.