"Bütün Türk Dünyasının coğrafiyasını gəzib tamamlamaq kimi bir planım var. Bu səfər də həmin planın tərkib hissəsidir. Altaya səfərimiz zamanı bizimlə bir əqidədə olan dostlarımızla görüşəcəyik".

Bu sözləri Axar.az-a açıqlamasında millət vəkili Sabir Rüstəmxanlı Altay Muxtar Respublikasına səfəri ilə bağlı danışarkən dedi. O bildirdi ki, səfərin əsas məqsədi gəzinti olsa da, bir sıra işlər də görüləcək:

"Səfərimizin əsas səbəbi ordakı dostlarımızla, yazıçı həmkarlarımızla görüşmək olsa da, bəzi işlər də görəcəyik. İstəyirik ki, Altay Muxtar Respublikasında da Dünya Azərbaycanlıları Konqresinin nümayəndəliyini təsis edək. Səfər Altayın Məclis üzvülərinin dəvəti əsasında baş tutur. Sonda Novosibirskdə yaşayan həmyerlilərimiz və DAK-ın təmsilçisi ilə də görüşəcəyəm".

Xatırladaq ki, bu gün VHP sədri, millət vəkili Sabir Rüstəmxanlı Altay Muxtar Respublikasına yola düşür.