Voronejdə tutulduğu barədə xəbərlər yayılan azərbaycanlı sahibkar Yusif Xəlilov azadlığa buraxılıb.

Axar.az xəbər verir ki, bu barədə Oxu.az-a Voronej vilayətinin Azərbaycan icmasının rəhbəri Mehdi Mehdiyev məlumat verib.

Onun sözlərinə görə, Y.Xəlilov 27 iyun tarixində saxlanılmış, lakin elə həmin gün azadlığa buraxılmışdı.

"Hazırda Voronej vilayətində azərbaycanlılara qarşı hər hansı bir əməliyyat aparılmır, saxlanılan yoxdur", - deyə o bildirib.

Qeyd edək ki, Uraldakı diasporun lideri Şahin Şıxlinski və oğlu Mutvalı Şıxlinski, o cümlədən sahibkar Yusif Xəlilov, “Lukoyl” şirkətlər qrupunun Uraldakı istehsalat birliyinin rəhbəri Əhməd Hacıyev Rusiya hüquq-mühafizə orqanlarının əməkdaşları tərəfindən vəhşicəsinə saxlanılıb.