Ana səhifə Gündəm |
Ermənistan ordusunun Baş Qərargah rəisi Movses Akopyan 2016-cı ildə baş tutan Aprel döyüşlərində işğal etdikləri ərazilərin bir qismini itirdiklərini etiraf edib.
Report xəbər verir ki, erməni hərbçi bunu "Joxovurd" qəzetinə müsahibəsində deyib.
Movses Akopyan hazırda həmin torpaqların yenidən işğal edilməsinin məqsədəuyğun olmadığını bildirib:
"Bu gün əsgərlərin həyatı və vəziyyətin gərginləşməsi bahasına "kiçik" tapşırıqları yerinə yetirmək məqsədəuyğun deyil", - deyə o əlavə edib.
M.Akopyanın sözlərinə görə, elə düşünmək lazım deyil ki, Azərbaycanın Qarabağı geri qaytarmaq istəyi yoxdur, onlar Qarabağı da, Zəngəzuru da, zaman-zaman İrəvanı da geri qaytarmaq niyyətindədirlər.
2016-cı il aprelin 1-dən 2-nə keçən gecədən başlayaraq 4 gün davam edən döyüşlər nəticəsində Tərtər rayonunun Talış kəndi ətrafındakı yüksəkliklər və Seysulan kəndi, Cəbrayıl rayonunun Lələ təpə yüksəkliyi və Cocuq Mərcanlı, Goranboy rayonunun Gülüstan kəndi və Tərtər rayonunun Madaqiz kəndi istiqamətində yollar düşməndən azad edilib.
Tarix
2017.12.21 / 02:17
|
Müəllif
Axar.az
|