"Hazırda Bakı ilə Moskvanın münasibətlərində yenə çöküş hiss olunmaqdadır".

Axar.az xəbər verir ki, bu açıqlama ilə erməni analitiki Naira Ayrumyan çıxış edib.

O, Moskvanın Bakı ilə razılığa gələ bilmədiyini bildirib:

"Azərbaycanla Rusiyanın münasibətlərinin yaxınlığına baxmayaraq, Bakı "Cənub axını"na öz qazını vermədi. Amma Bakı həm də Qərbin "Nabukko" layihəsinə də tam qatılmayıb. Aydındır ki, Əliyev Moskva ilə Qarabağın rayonlarının geri qaytarılması ilə bağlı razılığa gələ bilməyib. Hazırda Bakı ilə Moskvanın münasibətlərində yenə çöküş hiss olunmaqdadır. Roqozin hələ də Bakıya gəlməyib. Bununla bərabər isə Qarabağa rus sülhməramlıların girişinə Əliyev icazə verməyib. Üstəlik İranın da Ermənistandan öz qaz kəmərini çəkmək istəməsi Rusiyanın təcrid olunmasını daha da artırır. Görünür, Dərbənd meri Qurbanovun vəzifədən çıxarılması Azərbaycana Rusiyanın çatdırmaq istədiyi birinci mesaj olacaq. Ən azından Qubanovlar SSRİ dönəmindən Dərbəndi idarə edib və azərbaycanlılara liderlik edirlər. Rusiyanın açıq-aşkar Türkiyə-Azərbaycan tandemi ilə razılığa gəlməsi mümkünsüzə çevrilir. Görünür, Moskvanın son günlər heç kimlə danışıqları alınmır".