Yuxarı

MTN-çi QRU-nun Bakı əməliyyatından danışdı - Sensasiya

Ana səhifə Gündəm
12 Punto 14 Punto 16 Punto 18 Punto

"Bir neçə Azərbaycan firması da Səddama göndərilən yardım işinə cəlb olunmuşdu və bu məqsədlə həyata keçirilən biznes əməliyyatlarına Rusiya hərbi kəşfiyyatı (QRU) nəzarət edirdi".

Axar.az xəbər verir ki, bu açıqlama ilə politoloq Ərəstun Oruclu öz Feysbuk səhifəsində çıxış edib.

O, Qarabağ savaşı zamanı Moskvanın Bakını özündən xəbərsiz tranzit kimi istifadə etdiyini deyib:

"1992-ci ilin yayı idi. Azərbaycanda hakimiyyət yenicə dəyişmişdi və Qarabağda qızğın döyüşlər gedirdi. Azərbaycan Ordusu sürətlə irəliləyirdi. Yüzlərlə insan könüllü olaraq döyüşlərə qatılırdı, yavaş-yavaş ordu quruculuğu başlayırdı. Son yarım ilin məğlubiyyətlərini aradan qaldırmaq istiqamətində qətiyyətli addımlar atılırdı. Dünya da qarışmışdı. Fars körfəzində və Küveytdə NATO-nun on minlərlə əsgərdən, onlarla hərbi gəmidən, yüzlərlə təyyarə və tankdan ibarət silahlı qüvvələri toplaşmışdı. Səddam Hüseynin Küveyti işqalından sonra "Səhrada tufan" əməliyyatı keçirilmişdi və İraq qoşunları Küveytdən qovulduqdan sonra Səddam rejiminə əlavə sanksiyalar tətbiq edilmişdi. Səddamın müttəfiqi olan Rusiya isə ən müxtəlif vasitələrlə bu embarqonu pozmağa çalışır və həmin məqsədlə bir sıra hallarda yeni müstəqil dövlətlərin ərazisindən istifadə edirdi. O cümlədən, başı Qarabağ savaşına qarışmış Azərbaycanın. İraqa göstərilən dəstəyin formalarından biri isə yeni müstəqil dövlətlərdə yaradılmış firmalar vasitəsilə satışına beynəlxalq qadağa tətbiq edilmiş malların Səddam rejiminə çatdırılmasından ibarət idi. Bir neçə Azərbaycan firması da bu işlərə cəlb olunmuşdu və bu məqsədlə həyata keçirilən biznes əməliyyatlarına Rusiya hərbi kəşfiyyatı (QRU) nəzarət edirdi".

Politoloq Azərbaycanın iki firmasının rəhbərinin sonralar Rusiya kəşfiyyatının yardımı ilə böyük vəzifələrə gətirildiyini bildirib:

"Beləliklə, Azərbaycanın 2 firması keçmiş Sovet Ordusunun Bakıdakı ehtiyatlarından hərbi təyinatlı metalı qaçaqmalçılıq yolu ilə Ukraynaya ötürür, sonra da mal Krımdakı limanlardan gəmilərlə alıcıya çatdırılırdı. 3-cü firma isə eyni əməliyyatı Xəzər dənizinin limanları vasitəsilə həyata keçirirdi. Rəsmi olaraq isə bu firmalardan biri xalça, digəri dəri geyimi alverilə məşğul olurdu, üçüncüsü isə yeni yaranmış banklardan birinin sifarişçi şirkəti kimi fəaliyyət göstərirdi. Cəmi bir ildən sonra iyun qiyamı nəticəsində Azərbaycanda siyasi hakimiyyət yenidən dəyişəcəkdi və bu 3 biznesmendən biri icra başçısı, digəri - komitə sədri olacaqdı. 3-cü isə bank biznesində xeyli irəli gedəcəkdi, amma sonra maliyyə fırıldaqlarına görə həbs ediləcəkdi. Bir qədər daha sonra o, zaminə götürülərək azad ediləcək və xaricə qaçacaqdı. Əlbəttə ki, Rusiyaya".

Tarix
2014.10.07 / 11:15
Müəllif
İlkin Həsənov
Şərhlər
Digər xəbərlər

Bəs, İranın “qırmızı xətti” idi? Tehran niyə səsini çıxarmır?

İran bu ölkələri Xəzərə buraxmaq istəmir

Bu, Bakıya təhdiddir: hazırlaşmalısınız – Mixaylov

Makronun “revanş” cəhdi Nikolu niyə qorxutdu?..

Nikolun Qarabağ qərarından sonra Putin ona dedi ki… - Lavrov

Bu, Azərbaycanın siyasi cəsarətini nümayiş etdirdi - Video

Fransa universitetində Bakının siyasətindən danışıldı

Simonyan: Qafarovaya bunu dedim, razılaşdıq… - Yeni görüş

“Dünya masası” qurulur: Bakı orda olacaq, həm də…

Bakıya təriflər yağdıran Anders niyə ermənipərəst oldu?

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla