Bu gün üçün proqnozlaşdırılan küləyin sürət həddi müəyyən şkalaya əsasən dəhşətli fırtına və qasırğa ilə eyniləşdirilir. Dəhşətli fırtına zamanı küləyin sürət həddi 28.5-32.6 m/san, qasırğa zamanı isə 32.6 m/saniyə olur. Hətta küləyin sürəti 50-60 m/saniyəyə qədər çatır.

Bakı küləklər şəhəri olsa da, bu cür dəhşətli fırtına və qasırğa tez-tez müşahidə edilmir. Bəs belə havalarda baş verə biəcək təhlükədən qorunmaq üçün nə ediməlidir?

Axar.az xəbər verir ki, fırtına xəbərdarlığı gələndə bütün qapıları və pəncərələri sıx bağlamaq, eyvan və pəncərə ətrafına qoyulan dibçəkləri götürmək lazımdır. Güclü külək xüsusilə eyvana və bayır tərəfdən pəncərə ətrafına qoyulan dibçək və digər əşyaları küçədəki insanarın, avtomobillərin üzərinə ata bilər. Mütəxəssislər və tez-tez fırtına baş verən ölkələrdə yaşayanlar məsləhət görür ki, su və qida, tibb ləvazimatları, şam, kerosin lampası, sənəd və pul tədarükü hazırlamaq lazımdır. Ehtiyac olmadıqca qaz və elektrik söndürülməlidir. Qəzalı vəziyyətdə olan evdə yaşamaq təhlükəli olduğu üçün müvəqqəti də olsa, daha etibarlı yerə köçmək məsləhətdir.

Kənd evində isə ən geniş və möhkəm olan hissəyə yerləşmək, külək gücləndikdə isə zirzəmiyə enmək lazımdır.

Dənizdən və çaylardan uzaq durmaq məsləhət görülür. Şiddətli külək, frtına zamanı küçədə olduğunuz zaman isə binaların, tkinti işləri gedən obyektlərin, uzun sütunların, ağacların, elektrik kabellərinin altında dayanmayın, elə yerlərə yaxın hərəkət etməyin. Mümkün qədər yeraltı keçidlərdən istifadə edir.

Piyada uzun yol qət etmək təhlükəlidir. Güclü külək zamanı evin damına, açıq havada hündürlüyə çıxmaq məsləhət deyil. Güclü və dəhşətli külək, fırtına zamanı küçədəsinizsə və külək hərəkət etmənizə problem yaradırsa, külək tutmayan təhlükəsiz bir əraziyə keçib dayanmaq və ya hansısa bərk borudan tutmaq lazımdır.