İsrailin Baş naziri Benyamin Netanyahu deyib ki, Tehrana qarşı müharibədə qələbə Qəzza zolağında saxlanılan girovların azad edilməsi və Fələstinin radikal HƏMAS hərəkatının məğlubiyyəti üçün geniş imkanlar açır.

Axar.az Teleqraf-a istinadən xəbər verir ki, o, bu bəyanatı Şin Bet müəssisəsinə səfəri zamanı verib.

"Biz varlığımız üçün iki ölümcül təhlükəni (Tehranın nüvə proqramı və İranın ballistik raketlərinin istehsalı – red.) aradan qaldırdıq. Bu qələbədən sonra ilk növbədə, girovların azad edilməsi üçün geniş imkanlar açıldı", - Netanyahu bildirib.

Baş nazir əlavə edib ki, İsrail həmçinin Qəzza məsələsini həll etməli və HƏMAS-ı məğlub etməlidir:

"İnanıram ki, biz hər iki məqsədə nail olacağıq".