Dünyada ən böyük bayraq meydanı Livanda yaradılıb. Həmin bayrağı torpaq üzərinə səriblər.

Axar.az Azərbaycanda qeyd olunan Dövlət Bayrağı Günü ilə əlaqədar bu maraqlı tarixçəni yada salır.
Livan bayrağının tutduğu sahə 65650 kvadratmetr təşkil edib. Bayrağın ölçüləri – 325х202 m-dir. Bayrağın mərkəzində ölkənin simvolu olan yaşıl rəngli sidr ağacının təsviri yerləşdirilib. Onun sahəsi isə 10452 kvadratmetr olub.

Buna qədər Ginnesin Rekordlar kitabına düşmüş bayraq Mərakeşin bayrağı idi. Onun ümumi sahəsi 60 min kvadartmetr təşkil etmişdi. Dünyanın ən hündür bayraqlarından biri isə Bakıda Dövlət Bayrağı Meydanında dalğalanan Azərbaycan bayrağıdır.

Ginnesin Dünya Rekordları Təşkilatı 2010-cu il mayın 29-da Azərbaycan dövlət bayrağı dirəyinin dünyada ən hündür bayraq dirəyi olduğunu təsdiq edib. Meydanda qurulan Azərbaycan Respublikasının gerbi, dövlət himninin mətni və ölkəmizin xəritəsi qızıl suyuna salınmış bürüncdən hazırlanıb. Meydanda Dövlət Bayrağı Muzeyi də yaradılıb.