Bakının Sahil qəsəbəsində iki qardaşı öldürən şəxsin əvvəlcədən onlarla ədavəti olub.

Axar.az-a verilən xəbərə görə, tərəflər arasında pul üstündə mübahisə yaranıb. Bu mübahisə Cavid və Cahid Rəhimov qardaşlarına qatil Zaur Tərlanovun külli-miqdarda borcu olması üstündə yaranıb. Rəhmanov qardaşlarının anasının da sələmçi olduğu bildirilir. Bu haqda Milli.az yazıb. Belə ehtimal edilir ki, Z.Tərlanovun qardaşların sələmçi anasına borcu yaranıb.

Rəhimov qardaşları isə bu borcu geri ala bilməyiblər.

Qaradağ rayon Polis İdarəsinin 38-ci polis bölməsindən isə ANS-ə bildirilib ki, hadisə qısqanclıq zəminində baş verib. Qaradağ Prokurorluğunun müstəntiqi Yusif Novruzov da bildirib ki, hadisə şəxsi münasibətlər zəminində baş verib: "Hazırda istintaq aparılır. İstintaq sirri olduğu üçün bəzi detalları açıqlaya bilmərəm".

Artıq "Leksus" markalı avtomobildə iki qardaşı öldürən Z.Tərlanov həbs edilib. Hazırda iş üzrə istintaq davam etdirilir.