"Xocalı soyqırımı həm də beynəlxalq terror aktıdır".

Axar.az xəbər verir ki, bu açıqlama ilə YAP-ın Beynəlxalq Əlaqələr Komissiyasının katibi Elman Nəsirov çıxış edib.

Onun sözlərinə görə, terrorçuların əsas hədəfi sağ qalanlardır:

"Beynəlxalq terrorçuluğun digər cinayət əməllərindən əsas fərqi ondadır ki, bu prosesdə eyni vaxtda 3 tərəf iştirak edir - terrorçular, onların qətlə yetirdikləri qurbanları və sağ qalmış insanlar. Paradoks ondadır ki, terrorçuların əsas hədəfi heç də öldürdükləri deyil, sağ qalanlardır. Qətllər nə qədər qəddarcasına olsa, rezonansı daha da böyük olacaq və sağ qalanlar xilas yolunu canını qaçıb qurtarmaqda görəcəklər. Nəticədə torpaqlar yiyəsiz qalacaq və işğal aktına "yaşıl işıq" yandırılmış olacaq. Xocalıdan sonra torpaqlarımızın işğalı bu sxem üzrə həyata keçirilib. Lakin dünyada başqa bir mistik həqiqət də var: qan heç vaxt yerdə qalmır. Zombiləşmiş Serj Sarkisyan, onun həyat yoldaşı, 2 qızı və digər tör-töküntüləri gərək heç vaxt bu reallığı unutmasın".