Axar.az
Yuxarı

Azərbaycan üçün dua edirik - Vatikan

Ana səhifə Gündəm
12 Punto 14 Punto 16 Punto 18 Punto

Azərbaycanla Müqəddəs Taxt –Tac arasında çox yaxşı münasibətlər var və bunu davam etdirməkdə maraqlıyıq. Azərbaycanın çətin günlərində onun üçün dua edirik. Sülhün və dialoqun bərpa olunacağına ümidvarıq.

Axar.az xəbər verir ki, bu fikirləri Müqəddəs Taxt-Tacın dövlət katibinin müavini Edqar Penna Parra Azərbaycanın Vatikandakı səfiri Rəhman Mustafayevlə görüşündə səsləndirib.

Görüşdə Roma Papasının sentyabrın 27-də Müqəddəs Pyotr meydanında ənənəvi “Angelus” duası zamanı çıxışına toxunulub, Qafqaz regionunda zorakılığa dialoq yolu ilə son qoyulmasına dair istəyi, sülhə çağırışı və sadiqləri Qafqazda sülhün bərqərar olması üçün dua etməyə dəvət etdiyi vurğulanıb.

Səfir R. Mustafayev Ermənistanın ölkəmizə qarşı hücumu, eləcə də erməni silahlı qüvvələrinin mülki əhalini və obyektləri hədəfə almasından danışıb.

Ölkəmizin mövqeyinin bəlli olduğunu deyən diplomat Azərbaycan Prezidenti İlham Əliyevin xalqa müraciətində münaqişə ilə bağlı fikirlərini qarşı tərəfə çatdırıb. Bildirib ki, Azərbaycan öz torpaqlarını müdafiə edir. Azərbaycan Ordusu öz torpağında Azərbaycanın ərazi bütövlüyünü qoruyur, müdafiə edir. Azərbaycan haqq yolundadır və bu yolda zəfər çalacaq. Azərbaycan işğal olunmuş torpaqlarını azad etməlidir.

“Otuz ildir danışıqlar davam edir, ancaq heç bir irəliləyiş, fəaliyyət və nəticə yoxdur. Danışıqlar bərpa edilərsə, artıq konkret plan əsasında olmalıdır. Əks təqdirdə, danışıqların bərpası gözlənilən nəticə verməyəcək”, - deyə səfir bildirib.

Eyni zamanda, Ermənistanın Livan və Suriyadan erməni əsilli sakinlərin Qarabağda məskunlaşdırmasının beynəlxalq hüququn bütün norma və prinsiplərinə zidd olduğu vurğulanıb. Təcavüzkar ölkənin Azərbaycanın işğal olunmuş ərazilərində hərbi təlimlər keçirməsinin, beynəlxalq sənədlərə məhəl qoymamasının qəbuledilməzliyini diqqətə çatdırıb.

Tarix
2020.09.28 / 22:36
Müəllif
Axar.az
Şərhlər
Digər xəbərlər

Ordumuzun Ermənistana vurduğu ziyan - Siyahı

İrəvanı indiki duruma salan 21 illik sirr: Quluzadə açıqlamışdı…

Qarabağ separatçılarının "müdafiə naziri" məhv edildi - Video

Düşmən geri oturduldu, qərargah rəisi məhv edildi - Video

Paşinyanın kapitulyasiya çıxışı: reallığı qəbul etmir, əksinə...

Düşmənin bu gecə məhv edilən döyüş texnikasının sayı

Qalın Obraynla ermənilərin geri çəkilməsini müzakirə etdi

Ermənistan MN Qubadlının azad olunmasını təsdiqlədi

Düşmən kvadrokopteri məhv edildi

Ermənistanı çökdürən iki fakt - Ekspert

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla