Ana səhifə Gündəm |
Digər ölkələrdə həyata keçirilən əməliyyatlara muzdluların cəlb edilməsi faktı beynəlxalq qanuna zidd hərəkətdir. Bu gün Ermənistan beynəlxalq hüququn bütün normalarını kobud şəkildə pozur.
Bu sözləri Axar.az-a açıqlamasında politoloq İlqar Vəlizadə Ermənistanın müxtəlif ölkələrdə mövcud olan erməni əsilli şəxsləri, habelə muzdluları orduya cəlb etməsi haqda danışarkən deyib.
Onun sözlərinə görə, Ermənistan başda PKK olmaqla, regiona bu və digər formada bir sıra terror təşkilatlarını dəvət edir:
“Təəssüf ki, terrorla mübarizə apardığını deyən bir sıra ölkələr də buna göz yumur. Düşünürəm ki, biz həmin ölkələrə müraciət edərək, rəsmi İrəvanın regionu terror təşkilatları üçün yeni yuva halına gətirməsinin qarşısını almalıyıq. Cənubi Qafqaz heç bir halda Yaxın Şərqin taleyini yaşamamalıdır. Bunun qarşısını almaq isə ilk növbədə region ölkələrinin borcudur. Bu gün Azərbaycan antiterror əməliyyatlarına start verib. Düşünürəm, digər region ölkələri də ən azından milli maraqları və regionun gələcəyini düşünərək, Ermənistanın bu kimi addımlarının qarşısını almaq üçün Azərbaycanla birlikdə hərəkət etməlidirlər”.
Tarix
2020.10.16 / 17:57
|
Müəllif
Turan, Xədicə
|