VHP-nin Masallı və Lerik rayon təşkilatlarının konfransları keçirilib.

Partiyanın mətbuat xidmətindən Axar.az-a verilən məlumata görə, konfranslarda Masallı təşkilatına Faiq Ağayev, Lerik rayon təşkilatına isə Həşim Nəsirov sədr seçiliblər.

VHP-nin növbəti qurultayına Masallı rayon təşkilatından 11 nəfər, Lerik rayon təşkilatından isə 9 nəfər nümayəndə də müəyyənləşib.

Konfrans zamanı payızda keçiriləcək parlament seçkiləri də müzakirə edilib və namizədlər müəyyənləşib. Masallı təşkilatı 70 saylı DSK-dan Hətəmağa Tanrıverdiyevin, 71 saylı DSK-dan Faiq Ağayevin, 75 saylı DSK-dan Əli Muxtarovun, Lerik təşkilat isə 78 saylı DSK-dan Həşin Nəsirovun namizədliklərinin irəli sürülməsinə qərar verib.

Konfranslarda VHP-nin Qurultaya Hazırlıq üzrə Təşkilat Komitəsinin sədr müavini Samir Əsədli iştirak edib.