Rusiya təhlükəsizlik təminatı ilə bağlı təkliflərinə ABŞ-ın cavabını qəbul etməyəcək. Belə cavab qaneedici ola bilməz.

Axar.az xəbər verir ki, bu sözləri Rusiya Federasiya Şurasının Beynəlxalq əlaqələr komitəsinin sədr müavini Vladimir Cabarov RİA-ya açıqlamasında deyib.

“Onların cavabı bizi qane edə bilməz. Onlar hər şeyi – öz fantaziyalarını, iradlarını ortaya qoyurlar. Biz belə cavabı qəbul etməyəcəyik”, - Cabarov deyib.

Qeyd edək ki, ABŞ Rusiyanın təhlükəsizlik təminatı ilə bağlı tələblərinə yazılı cavabı az öncə Moskvadakı səfirliyi vasitəsilə təqdim etdiyini açıqlayıb. Cavabın detalları haqda məlumat yoxdur.