Yuxarı

“Sovetski”də ev fırıldağı: bankdan pul necə götürülüb?

Ana səhifə Gündəm
12 Punto 14 Punto 16 Punto 18 Punto
“Sovetski”də ev fırıldağı: bankdan pul necə götürülüb?

Yasamal rayon İcra Hakimiyyəti (RİH) "Sovetski" sakininə qarşı fırıldağı ört-basdır etməyə çalışır.

İcra hakimiyyəti Tamilla Mirzəyevanın imzası olmadan mülkünün sökülməsinə görə keçmiş həyat yoldaşına çatacaq kompensasiyanın yarısını ödəyib. Bu qanunsuzluq faktı təsdiqini tapsa da, nə problem həllini tapır, nə əmlak sahibinin şikayətinə baxılır.

Axar.az xəbər verir ki, T.Mirzəyevanın çoxsaylı müraciətlərinə baxmayaraq, Yasamal rəhbərliyi ona qarşı qanun pozuntusunu araşdırmaqda maraqlı görünmür. İcra başçısının müavini Səməd İslamov qeybə çəkilərək vətəndaşın məsələsinə laqeyd yanaşır.

Elə bu problemlə bağlı rəsmi rəy almaq üçün dəfələrlə Yasamal RİH-ə zəng etsək də, S.İslamovun katibəsi başçı müavininin iş yerində olmadığını qeyd edir. Katibə gah RİH rəsmisinin hansısa tədbirə getdiyini, gah məzuniyyətdə olduğunu bildirir. Halbuki, S.İslamov "Sovetski"nin köçürülməsi ilə bağlı icra hakimiyyətində məsul şəxsdir, icra başçısı İbrahim Mehdiyev ona etimad göstərib. Köçürmə Komissiyanın sədri olan S.İslamov isə T.Mirzəyevanın üzləşdiyi özbaşınalıqla bağlı reaksiya vermək istəmir.

T.Mirzəyeva qeyd etmişdi ki, mülk onun adınadır və keçmiş əri Çingiz Qonaqov da mənzildə qeydiyyatdadır.

"Ötən ilin noyabrında Yasamal rayon İcra Hakimiyyətinin İlham adlı nümayəndəsi mənə zəng etdi. Bildirdi ki, mənzil üçün veriləcək kompensasiyanın yarısı hazırda məhkəmə yolu ilə ayrıldığım həyat yoldaşım Çingizə veriləcək. İlham müəllim dedi ki, gedib lazım olan sənədləri imzalayaraq öz payımı götürməliyəm. Noyabrın 25-də pulu götürmək üçün icra hakimiyyətinə getdim. Adımın qarşısının boş olduğunu gördüm. Məlum oldu ki, keçmiş həyat yoldaşım ona düşən payı sentyabrın 25-də imzam olmadan götürüb", - deyə şikayətçi söyləmişdi.

Onun dediyinə görə, Yasamal RİH-nin nümayəndəsinin əli ilə ödənildiyi iddia edilən məbləği Ç.Qonaqova Maliyyə Nazirliyinin nümayəndəsi verib.

T.Mirzəyeva Yasamal rayon icra başçısının qəbulunda olub. İcra başçısı mülk sahibinin imzası olmadan Ç.Qonaqova ödəniş edilməsini qeyri-mümkün hesab edib. Şikayətçi Baş nazirin müavini Abid Şərifovun da qəbulunda olub. A.Şərifov da T.Mirzəyeva imzası olmadan keçmiş həyat yoldaşının pul ala bilməyəcəyini bildirib.

Amma ev sahibinin imzası olmadan pulu keçmiş ərinə verilib, Yasamal rayon rəsmiləri isə bu məsələnin üzərindən sükutla keçmək istəyir...

Tarix
2015.08.26 / 09:28
Müəllif
Nigar İxtiyarqızı
Digər xəbərlər

Bakıda bu konfrans kiber hücuma məruz qaldı - Foto

Bakı beynəlxalq müzakirə platformasına çevrilir - Deputat

Azərbaycan XİN Efiopiyaya başsağlığı verdi

Növbəti raket hücumu: Türkiyə İrana cavab verə bilərmi?

Bayramov Fidanla danışdı: Türkiyəyə raket hücumu...

Əli Əsədov türkiyəli nazirlə görüşdü

İrandan sonra növbəti ölkə... - Qorxuya düşdülər

Türkiyəyə raket hücumu: Azərbaycan MN-dən reaksiya...

Putinin Əliyevə zənginin səbəbləri - Rusiyadan baxış

Bu, dinc sakinlər üçün ciddi təhlükə yaradır - XİN

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla