Qafqazda bir neçə həssas məsələ var, onlardan biri də Azərbaycan sərhədləri yaxınlığında sionist rejim elementlərinin olmasıdır.

Axar.az xəbər verir ki, bunu İran ordusunun Quru Qoşunlarının komandanı Kiyumərs Heydəri deyib.

“İran sionist ünsürlərin region ölkələrində mövcudluğuna dözməyəcək və onlara qarşı çıxacaq" deyən Heydəri bildirib ki, ikinci məsələ, 2020-ci il müharibəsi zamanı Suriyadan gətirilən (?) terrorçu qruplardır. Belə ki, onların "regiondan çıxmasını hələ də müşahidə etməyiblər". Başqa sözlə, Kiyumərs terrorçuların guya Azərbaycan tərəfdən döyüşlərə qatıldığı barədə iftiranı təkrarlayıb:

“Üçüncü məsələ regionda dövlət sərhədlərinin dəyişdirilməsinin qanunsuzluğudur. İran qonşu ölkələrin sərhədlərinə hörmətlə yanaşır və onların dəyişdirilməsinə imkan verməyəcək”.