Axar.az
Yuxarı

General Rzayev: “Ermənilər buna cəhd etsələr...”

Ana səhifə Gündəm
12 Punto 14 Punto 16 Punto 18 Punto

Ermənistan tərəfi atəşkəsi pozmaqla Azərbaycan ordusunu təxribata çəkmək istəyir.

Bu sözləri Azərbaycan Respublikasının sabiq müdafiə naziri, general-mayor, Azərbaycan Respublikası Veteranlar Şurasının sədri Dadaş Rzayev Azərbaycan-Ermənistan cəbhə xəttində yaranmış son hərbi gərginliklə bağlı Axar.az-a danışarkən deyib. Generalın sözlərinə görə, ermənilər ələ keçirdiyimiz mövqelərin qaytarılmasına cəhd etsələr, daha ağır zərbələrə məruz qalacaqlar:

"Ermənistan tərəfi atəşkəsi pozmaqla Azərbaycan ordusunu təxribata çəkmək istəyir. Son günlər baş verənlər məhz bu məqsədə xidmət edir. Azərbaycan birmənalı şəkildə Ermənistanın cavabını verib. Ermənistan bu cavabdan hələ də özünə gələ bilməyib. Ona görə də cəhd edirlər ki, təxribat törətməyə davam etsinlər. Ancaq Azərbaycan Ordusu hazırda o səviyyədə hazırdır ki, hər an öz borcunu yerinə yetirə və Azərbaycan torpaqlarını azad edə bilər. Cəbhədə gedən proseslər birinci növbədə Ermənistanın işğalçı siyasətidir, digər tərəfdən isə havadarlarının köməyi nəticəsində törədilən əməllərdir. Burada özgə bir şey görmürəm. O ki qaldı qarşıda vəziyyətin necə olacağına, əgər ermənilər ordumuz tərəfindən azad edilən mövqelərin qaytarılmasına cəhd etsələr və yenidən bu ərazilərə hücuma keçsələr, o zaman ikiqat, üçqat və daha ağır zərbələrə məruz qalacaqlar".

Qeyd edək ki, aprelin 1-dən 2-ə keçən gecə düşmənlə döyüşlərdə Silahlı Qüvvələrimizin 12 hərbi qulluqçusu şəhid olub. Azərbaycan Ordusu Talış kəndi ətrafındakı yüksəklikləri, həmçinin Seysulan kəndini və Lələtəpəni düşməndən azad edib. Erməni mövqelərinə aviasiya zərbələri zamanı əməliyyata cəlb olunan 1 ədəd Mi-24 helikopteri düşmən tərəfindən vurulub və 1 ədəd tank mina partlayışı zamanı sıradan çıxıb.

Dünən gecə davam edən döyüşlərdə isə 3 şəhid vermişik.

Azərbaycan Silahlı Qüvvələri ötən gün düşmən ordusunun növbəti təxribatı nəticəsində erməni silahlı qüvvələrinin 3 tankı və 30-dək hərbi qulluqçusunu məhv edib. Günün sonuna doğru isə daha 170 erməni hərbçisinin məhv edildiyi barədə rəsmi məlumat yayılıb.

Tarix
2016.04.05 / 09:37
Müəllif
Aygün Yusibova
Şərhlər
Digər xəbərlər

İranın “Arazboyu” rəqsi və ermənilərin sevinci

“İti qovan” Teknofest-2021-də - Foto

Makrondan Qarabağ açıqlaması: Fransa hazırdır...

Paşinyanın şok açıqlaması gəlir – Gizli danışıqlar

Ərdoğan-Putin görüşündə sürpriz olacaq - Marçilyano

Azərbaycanda türk bazası bu cür qurularsa... – Alman ekspert

İranın sərhəd təlimi: Tehran niyə hərəkətə keçdi?

Ərdoğan Putinlə Azərbaycanda türk bazasını da müzakirə edəcək

İran dayanmır: TIR-lar İrəvana nələr daşıyır? – Video

Ceyhun Sultanovun evindən oğurluq edənlərin işi məhkəmədə

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla