Azərbaycan Yazıçılar Birliyinin və Ağstafa Rayon Ağsaqqallar Şurasının üzvü, şair Qurban Həmidoğlu 78 yaşında vəfat edib.

Kult.az xəbər verir ki, bu barədə “Yeni Sabah”a onun yaxınları məlumat verib.

Mərhum Ağstafa rayonunda dəfn olunub.

Xatırladaq ki, Qurban Həmid oğlu Nəbiyev 1947-ci ilin 30 oktyabrında Ağstafa rayonunun Muğanlı kəndində müəllim ailəsində anadan olub. İxtisasca mühəndis olan sənət adamı ailəli idi, iki qız və bir oğul övladı var.

Onun “Şair niyə qocalmasın”, “Kövrək olur şair qəlbi”, “Poeziya mənim həyatımdır” və son olaraq 2021-ci ildə iki cilddən ibarət ümumilikdə beş kitabı işıq üzü görüb.