2026.07.08 - 22:21

Bakının Yasamal rayonu, Lev Tolstoy küçəsində ikimərtəbəli fərdi yaşayış evində yanğın olub.

Axar.az Report-a istinadən xəbər verir ki, hadisə nəticəsində evin ikinci mərtəbəsinin 100 kv. m. hissəsi əşyalarla birlikdə tamamilə yanıb.

Hadisə nəticəsində evin birinci mərtəbəsinin bir otağı tamamilə yanıb. Hadisə yerinə FHN-in Yasamal Rayon Yanğından Mühafizə Hissəsinin yanğınsöndürənləri cəlb edilib. Evin digər otaqları yanğından mühafizə olunub.

FHN-in Yasamal Rayon Yanğından Mühafizə Hissəsinin əməliyyat növbətçisi Elxan Bədəlov bildirib ki, nazirliyin qaynar xəttinə yanğın barədə məlumat saat 21:24-də daxil olub:

"Dərhal Dövlət Yanğından Mühafizə Xidmətinin qüvvələri əraziyə cəlb olunub. Yanğın qısa müddətdə söndürülüb".

İlkin məlumata görə, hadisə zamanı xəsarət alan olmayıb.

Faktla bağlı araşdırma aparılır.