Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
22 Yanvar 2019


Amaliya Pənahova vəfat etdi

Ana səhifə Hadisə
12 Punto 14 Punto 16 Punto 18 Punto

09:56

Xalq artisti Amaliya Pənahova vəfat edib.

Kult.az xəbər verir ki, bu barədə aktrisa Hüsniyyə Mürvətova məlumat yayıb.

Azərbaycan Kinematoqrafçılar İttifaqı da rəsmi səhifəsində xalq artistinin ölüm xəbərini təsdiqləyib.

Mərhumun nəşi Təzə Pir məscidinə aparılıb. Xalq artisti ilə vida mərasimi sabah saat 11:00-da Akademik Milli Dram Teatrında keçiriləcək.

Qeyd edək ki, Azərbaycan teatr və kino aktrisası, televiziya rejissoru, Azərbaycan Respublikasının xalq artisti, Bakı Bələdiyyə teatrının bədii rəhbəri və direktoru Amaliya Pənahova 1945-ci ildə Gəncə şəhərində anadan olub. 1966-cı ildə M.A.Əliyev adına Azərbaycan Dövlət Teatr İnstitutunun Dram və kino aktyorluğu ixtisasını bitirib.

Amaliya Pənahova 1964-cü ildən bu günədək teatr və kino sahəsində beş yüzdən artıq obraz yaradıb.

Teatr və kino sənətinin inkişafındakı böyük xidmətlərinə görə ona 1974-cü ildə Respublikanın əməkdar artisti, 1985-ci ildə isə Azərbaycan SSR-in Xalq artisti fəxri adı verilib.

A.Pənahovanın 1998-ci ildə türk dünyasının birinci kino festivalında türk dünyasının altı populyar aktyoru sırasında adı qeyd olunub.

Aktrisa həmçinin bacarıqlı rejissor kimi də özünü sınayıb. 43 illik sənət fəaliyyəti dövründə 12 tele və teatr tamaşasına quruluş verib ki, bunların çoxu lentə alınıb, hazırda televiziyanın Qızıl fondunda saxlanılır. Bunlardan İ. Əfəndiyevin "Mənim günahım", M. Muradın "Təkan", M. Qurbanovun "Sənsiz", O. Altunbayın "Tomris", A. Məmmədovun "Dəli Domrul" və s. xüsusi qeyd etmək olar.

1992-ci ildə Bakı Bələdiyyə Teatrını yaradıb.

Prezident təqaüdçüsüdür. 2000-2005-ci illərdə Azərbaycan Respublikası Milli Məclisinin millət vəkili, sosial-siyasət daimi komissiyasının üzvü, MDB Parlamentlərarası Mədəniyyət, İnformasiya, Turizm, İdman daimi Komissiyasının sədri, İtaliya-Azərbaycan Parlamentlərin işçi qrupunun sədri olub.

2013-cü ildə "Obrazın yaranma prosesində aktyor yaradıcılığında ikinci planın təcəssüm vasitələri" mövzusunda doktorluq işini müdafiə edərək sənətşünaslıq elmləri doktoru elmi adını alıb.

17 iyun 2015-ci ildə Azərbaycan mədəniyyətinin inkişafında böyük xidmətlərinə görə "Azərbaycan Respublikası Prezidentinin fəxri diplomu" ilə təltif edilib.

Tarix
2018.11.08 / 11:17
Müəllif
Nərmin Əkbərli
Şərhlər
Загрузка...
Digər xəbərlər

Ermənilərin Qazaxa atdığı iki raket tapıldı - Foto

Ağakişiyev əkiz bacıların imicini dəyişdi - Video

Nazir Tahir Əliyevi işdən çıxardı - Yeni təyinat

Məşhur amerikalı müğənni Parisdə həbs edildi

Tərcümə Mərkəzinin “şey”i səhv hesab etməsi... – Akademik

Tələbələr təkid etdi, türk dili tədrisə qaytarıldı

Tərcümə sahəsi batır, Afaq Məsud isə "tük" axtarır...

50 il əvvəl, elə bu saatda: Dünya bundan şoka düşdü - Foto

Tatlısəs Ərdoğana təşəkkür etdi: Anam üçün...

Dünya şöhrətli aktyor Bakıya gəlir

KULT
<>
Xəbər xətti
 
Axar.az'da reklam Bağla
Reklam
Bize yazin Bağla