Böyük bir insanı itirmişik. Mən şəxsən çox gözəl bir insanı itirdim. Bizim çox yaxşı münasibətimiz olub. Düzdür, səhhəti ilə bağlı əziyyət çəkirdi...

Kult.az xəbər verir ki, bu sözləri xalq artisti Rafael Dadaşovun dəfn mərasimində iştirak edən Mədəniyyət naziri Əbülfəs Qarayev Teleqraf.com-a açıqlamasında deyib

Nazir bildirib ki, Rafael Dadaşov Azərbaycan teatr tarixində böyük səhifə yazıb:

"O, teatr mühitində böyüyüb. Regionlarımızda da fəaliyyət göstərib. Amma əsas fəaliyyəti Akademik Milli Dram Teatrı ilə bağlıdır. Çoxşaxəli insan idi. Televiziya və radioda da çalışıb. Hər zaman Prezident İlham Əliyev və birinci xanım Mehriban Əliyeva onun sağlamlığına xüsusi diqqət ediblər. Amma bu Allahın hökmüdür. Allah rəhmət etsin!"

Ə.Qarayev koronavirusa görə mövcud vəziyyətin hansısa mərasim təşkil etməyə imkan vermədiyini deyib:

"Hesab edirəm ki, indiki vəziyyətdə hansısa mərasim təşkil etmək yerinə düşməzdi. Amma teatr açıldıqdan sonra mütləq onun xatirəsinə ədəbi-bədii gecə həsr olunacaq".

Qeyd edək ki, Rafael Dadaşov bu gün ll Fəxri Xiyabanda dəfn edilib.